کاسیب اوغلانین دولتلی قیزینا ائلچی گئتمگی و قیزدان
ائشیتدیگی سوزلر
*****
هی دئیرسن اوره گیم سنده ن اوتور بیر تیکه دیر
هئچ دئمیرسن بو تیکه آغزینا چوخ چوخ یئکه دیر
من گون اولماز یئمییم توخمالی سنگکله پاچا
سنین اما یئدیگین گونده بایات بیر کوکه دیر
خزه رین خاوییارین هئچ یوخودا دادما میسان
دارتدیغین داشقا نین اوستونده آلا چئی مکه دیر
ایندی ده سن باشینی اولگوجونن قیخدیریسان
منیم اما حیاتیم دونیادا باغلی توکه د یر
اسگی چیلپک یامائیبلار قئیئغیلان اوقه ده ر
سایمیشام پنجه یینی اون شیریخ اون بئش تیکه دیر
سن او دب لر کی اوره گده ن گوه نیر سن اولارا
هئچ بیلیرسن کی منیم دامنیم اوسته لکه دیر
تختخواب آلدی مامان اوندا ییغیشدیردی یوکی
سنین اما نه نه نین ایندی ده میلی یوکه دیر
سنه کیم گلسه گره ک ایل باشی بیر کورپه باشی
باغلایا باغلاما سا یوخسا چتین مهله که دیر
اوزده هی گوپلویوسان دالدادا گوپبولدویوسان
هی ایلان اوینادیسان دائیم ایشین معره که دیر
نئجه دردان دوشابی سئنجه بیلنمیرداماغین
احتیا طدا ندا دوشونجه ن ائله تک تیریئکه دیر
گاه دئیرسن اول آللاه ده ده مین واردی مالی
بیر په یه قاشقا اوکوزدور ایکی طوله تکه دیر
گئت سنینکیله منیمکی گوزه ل اوغلان توتماز
کی سنین ایشلرین ا زدم سره سر تهلوکه دیر
*****
اوغلانین جاوابی قیزین سوزلرینه
آز منی دانلا خانیم چیخما اوزوندان ایزال اول
بونه سوزلردی دییرسن منه چیمخیرما لال اول
بئله فیکر ایله ایسن چوخ یئکه بیر تانقاه سان
ره وئریب رنگ آلیب آز( از منی ) آزحال با حال اول
سنده ن آروات منه چیخماز دیلیمی آچما منیم
گئت گیلن چال چاغیرا قات باشینی اهل حال اول
کیم بو ضیپ بیلتییا عمرونده دوزه ر منده دوزه م
گئت تووهمده یاشا بوشلا منی خوش خیال اول
ائلچی دور سامدا سنه ایت کیمی پشمانلامیشام
بوینومون قیدینی وور اوزگه لره گئت میدال اول
من دئدیم بوشلا گینان شهری گئده ک کنده گوزه ل
من سنه اصلان اولوم سنده منه گل مارال اول
من دئدیم کی آدام اول گل منه باهم یاشایاق
ایندی کی گلمیسن آی جری جهنم ایزال اول
شهودی تبریز-16/12/1388