اوره یی داغلی لالا(لاله)
گئجه لر اسدیره ر ایستکله زامان بایراغینی
سحر آچدیقجا آچار گویلره دان بایراغینی
سونا چاتدیقجا قیشین عمرو یاشیل باشلی سونا
گتیره ر ائللره پای شانلی نیشان بایراغینی
یاز چاغیندا آئیلان یئرلره گلدیکجه نه فس
داغ ده ره لرده وورار مئح له دومان بایراغینی
اودنیزلر نه فه سینده ن دوغولان کورپه بولود
اسدیره ر یئر کوره سینده قوجامان بایراغینی
گویده هی آیلا گونش گونده چیخیب باتمادادیر
گاه بو چیگنینده چکیر گاه او زامان بایراغینی
بو اسه نلرده ن ایلاهی جانا یوخدور اسینه ن
اسدیره شوقیلا بیرجیسمیده جان بایراغینی
اسیب اسدیر مه گین آنجاق قیزیشیبدیربازاری
گوره سن اسدیره جه کدیراوهاچان بایراغینی
سه سینین قوربانیام کوکله موءذذین بوغازین
نه قه ده ر واردی گوجون قاوزا آذان بایراغینی
قوی اوره گلرده ن اوجالیسن گویه پیغمبر 1آدی
لامکانین آدینا باغلا مکان بایراغینی
ایستی قالسین اوجاغین آی اوره گی داغلی لالا!!
قورو1 قانقاللار ایچینده قورو 2 قان بایراغینی
چه که جک بیر گون علی اوغلی قینیندان قیلیجین
آرادان قالدیراجاق هرنه گومان بایراغینی
قالسا بیر گونده گلیب دونیانین عمرونده ن آچار
کربلاده آغامین قانه باتان بایراغینی شعرشهودی10/12/87
1-خشک
2-محافظت کن