کعبه ی آمال اهل کبریا دور کربلا جنت اعلا کیمی نزهت فزا دور کربلا
*****
بوردا اولدو سبط پیغمبر ذبیح من قفا آرزو ایلر مقام قربون اهل ما سوا
تربت پاکینده واردیر درده تاثیر دوا اول سبب ده ندیر بوگون دارالشفادور کربلا
*****
هانسی یئرده ایلییب یئتمیش ایکی عاشیق مقام هانسی ماواده اولوب شهزاده ایلن بیر غلام
بیر بئله صحرایه اولسون دمبدم مینلر سلام سرزمین عشقدیر مهد وفادیر کربلا
******
نهی ائده ن مخلوقی نه سجاده دیر نه دلقدیر بیر بئله معروفه باعث بیر کسیلمیش حلقدیر
اول مقدس توپراغی مهر نماز خلقدیر کعبه ی پروردگاره رهنما دور کربلا
*****
قتلگهده دوشدو چون توپراقه سلطان حجاز باشلادی اول خلوت روحانیده رازونیاز
اوخلارائتدی مخزن اسرارحقده ن کشف راز اول جهتده ن راز عشقه آشنادور کربلا
******
باخ فراتین ساحیلینده وار مقدس بیر مزار اول مزارین سری قلب اتقیانی یاندیرا ر
بیر کیچیگ قبر ایچره یاتمیش بیر بویوگ کوه وقار مرقدینده ن بللی دیر قدی دوتادور کربلا
******
گوردوهرکیم حضرتین هیجا گونی کرو فرین سویلدی بی اختیار ام البنینه آفرین
غیرتی دریالری حیران ائده ن سر لشگرین حیف اولا بیر جوت قولوتنده ن جدادور کربلا
*******
گوئیا آئینه اولموش حیدریلن روبرو حیدره بنذه ردی غیرتده ادبده مو به مو
سدره وطوبا ائده ر جنتده قدین آرزو مدفن سرو بلند مرتضادور کربلا
****
الده نقد مهر تابانیله ماه انوری کوکب شبه رسوله چرخ گردون مشتری
آل هاشم عطرین اسشمام ائده ر زائرلری قتلگاه اکبر گلگون قبادور کربلا
****
هانسی یئرده جمع اولوبدوربیر بئله عالی قبور اول قبوره جانب حقده ن یاغار پیوسته نور
آرزو ایلر بوتون عاشیقلری فیض حضور روضه جان یا بهشت ماسوادورکربلا
*****
ای حسین ای ناطق قرآن سلام الله علیک یا قتیلَ الحق ، دوموع العالمِ یجری الیک
دوزدوجوشمازغم چولونده ن چشمه سارشوق لیک انبساط خاطر اهل ولادور کربلا
******
قرن لر حسرت چکیردی تا یئتیشسین یارینه وئردی الده ن یاری نایل اولجاغین دیدارینه
دجله ی اشگین دمادم باغلایار رخسارینه صاحب اجر جزیل من بکا دور کربلا
******
حاجب بیت الحرام ای عطر نابه مشتری کعبه نین تنظیفینه صرف ائت گلاب قمصری
زمزم اشگیله ایلر شستشو عاشیقلری وار گلابی گلشن خیرالورا دور کربلا
*****
البلا للولاییلن اولاندان آشنا بویئرین توپراغینه حسرت ییئرارض و سما
نه شبیه کعبه دور نه بیت الاقصی نه طوی یئر یوزونده بیر شبیه کربلادرو کربلا
8آذر 91تبریز- شهودی